मावळात हिंदुत्वाचा हुंकार

पालखी सोहळा अत्यंत धार्मिक वातावरणात संपन्न झाला.
सोहळ्याची सुरुवात वर्गाच्या परिसरातून पालखीच्या सोहळ्याला सुरुवात झाली. पालखीमध्ये भाग घेणारे विद्यार्थी, पालक, आणि शिक्षक उत्साहाने सहभागी झाले होते.

विद्यार्थ्यांनी पारंपरिक वेशभूषा परिधान केली होती ज्यामुळे सोहळ्याला एक विशेष धार्मिकतेची छटा प्राप्त झाली होती.
पालखी संस्कारवर्ग स्थानायासुन निघून विठ्ठल मंदिर, गावठाण, लोणावळा पर्यंत नेण्यात आली.
पालखी मार्गावर लोकांनी आनंदाने स्वागत केले. भक्तिरसात न्हाललेल्या या सोहळ्याने सर्वत्र आनंदाचे वातावरण पसरले होते.

विठ्ठल मंदिरातील कार्यक्रम
विठ्ठल मंदिरामध्ये विद्यार्थ्यांनी भक्तिभावाने भीमरूपी, हनुमान चालीसा, हरिपाठ, पसायदान व आरत्या म्हटल्या. त्यांच्या भक्तिमय सादरीकरणाने सर्व उपस्थित भाविक मंत्रमुग्ध झाले.

पालकांचा प्रतिसाद
विद्यार्थ्यांच्या या गुणांचे आणि सादरीकरणाचे पालकांनी उत्स्फूर्त प्रतिसाद दिला. पालकांची उपस्थिती खूपच उत्साहवर्धक होती आणि त्यांनी आपल्या मुलांच्या कलेचे भरभरून कौतुक केले.

हा पालखी सोहळा केवळ एक धार्मिक कार्यक्रम नव्हता, तर विद्यार्थ्यांच्या हिंदु संस्कारांच्या पल्लवीकरणाचे उत्कृष्ट उदाहरण होते. अशा प्रकारच्या कार्यक्रमांमुळे मुलांच्या मनात संस्कार रुजतात आणि त्यांनी आपल्या संस्कृतीची जपणूक केली पाहिजे असा संदेश मिळतो.

या सोहळ्याने सर्वांनाच एक अभूतपूर्व अनुभूती दिली आणि धार्मिकतेच्या वाटेवर चालण्याची प्रेरणा दिली. शिवसेवा प्रतिष्ठान संस्कार वर्गाने आयोजित केलेल्या या सोहळ्याची आठवण सर्वांच्या मनात कायमस्वरूपी कोरली गेली.

---

---

---

---

---

शिवसेवा प्रतिष्ठानच्या संस्कार वर्गाचा प्रथम वर्धापन दिन लोनावळ्यात उत्साहात साजरा
12 जानेवारी स्वामी विवेकानंद जयंती (युवक दिन) तसेच राष्ट्रमाता जिजाऊ यांच्या जयंती दिनी मागच्या वर्षी शिवसेवा प्रतिष्ठानने लोणावळ्यात नगरपालीका शाळा क्र 1 येथे मुलांसाठी संस्कार वर्ग सुरू केला होता... या संस्कार वर्गाचा प्रथम वर्धापन दिन अत्यंत उत्साहात साजरा झाला. वेगवेगळ्या वयोगटातील मुलांनी गीतेचा अध्याय, राम रक्षा,शुभंकरोती, गणपती स्तोत्र, वेगवेगळ्या प्रकारची इतर स्तोत्र, नाटिका, या द्वारे वर्षभर शिकवलेल्या सर्व संस्कारांचे अत्यंत सुंदर प्रदर्शन केले. खूप मोठ्या प्रमाणात पालक वर्ग या कार्यक्रमाला उपस्थित होता आणि मुलांनी तर उत्साहात वेगवेगळ्या वेशभूषा करून सर्व पालकांना थक्क करायचं जणू ठरवूनच टाकलं होतं. या कार्यक्रमाला आवर्जून अँड.श्री संजय वांद्रे, उद्योजिका सौ ब्रिंदा घनात्रा, उद्योजक श्रीअनिश घनात्रा श्री मनोज लौळकर, श्री संजय गायकवाड, श्री प्रशांत पुराणीक, श्री उल्हास पाळेकर तसेच प्रतिष्ठानचे संचालक श्री अजितदादा घमंडे, श्री राजेश कामठे, शिवसेवा प्रतिष्ठानचे शहर प्रमुख श्री राजेश येवले, प्रकल्पाचे समन्वयक श्री प्रमोद देशपांडेसर, शिवसेवा प्रतिष्ठानचे अध्यक्ष धनंजय चंद्रात्रे आदी उपस्थित होते. कार्यक्रमाला प्रमुख पाहुण्या म्हणून आकुर्डी येथील स्वातंत्र्यवीर सावरकर मंडळाच्या संचालिका सौ निवेदिता कच्छाव या उपस्थित होत्या. अत्यंत उत्तम प्रकारात हा संस्कार वर्ग लोणावळ्यात सुरू आहे. गणपती अथर्वशीर्ष, गणपतीची स्तोत्र, वेगवेगळ्या प्रकारची इतर स्तोत्र, रामरक्षा, गीतेचे अध्याय आधी मुलांना शिकवून भारतीय संस्कृतीचा आधार आणि गाभा टिकवण्याचं जणू एक माध्यमच शिवसेवा प्रतिष्ठानने सुरू केलेले आहे. या मुलांना उस्ताहाने, आवडीने अन सातत्य ठेउन शिकवणाऱ्या सौ सुचेता खळदकर आणि ऋतुजा मेहता यांचे सर्वांनी मनापासुन कौतुक केले. लोणावळ्यातील सर्व पालकांनी आपल्या मुलांना या संस्कार वर्गात पाठवावं असं आवाहन याप्रसंगी सर्व संचालकांनी केलं.. नगरपालिका तसेच नेहमी मदत देणाऱ्या सर्व सज्जन नागरिकांचे आभार मानत कार्यक्रमाची सांगता झाली.

---

ज्याची सर्वजण आतुरतेने वाट पाहत होते अशा शिवसेवा प्रतिष्ठानच्या डायरीचे उद्घाटन आज सर्व कार्यकर्त्यांनी मिळून केलं....
उद्यापासून ही डायरी वितरणासाठी उपलब्ध राहणार आहे.
शिवसेवा प्रतिष्ठानच्या कोणत्याही कार्यकर्त्याकडे आपण या डायरीची मागणी करू शकता...
डायरी घेणाऱ्या प्रत्येक माणूस हा शिवसेवा प्रतिष्ठानचा हितचिंतक व्हावा म्हणून हितचिंतक नोंदणी अभियान ही सुरू करण्यात आलेल आहे...
हे अभियान 15 जानेवारी पर्यंत चालेल...
डायरीच्या उद्घाटनामुळे कार्यकर्ते उत्साहात तयारीला लागलेले आहेत...

काय आहे या डायरीत ..?
काय वैशिष्ट्य आहे....??
* शिवसेवा प्रतिष्ठान ची संपूर्ण माहिती तर आहेच....
पण बरोबरीन महत्वाची पुढील माहिती सुध्दा आहे...
# हिंदुस्थानाच्या पहिल्या स्वातंत्र्यदिनाच्या ३५० व्या वर्धापनदिनाची महती
# श्रीशिवछत्रपतींद्वारा प्रारंभित 'श्रीराजाभिषेक शका'ने पूर्णतः आलोकित दैनंदिन व्यवहार
# श्रीशिवछत्रपतींच्या राजाभिषेकानंतर प्रशासन व्यवस्थेत झालेल्या विविध परिवर्तनांची राजमुद्रा, राजध्वज, राजचिन्हे, राजचलन, राजशक, राजव्यवहार कोश, राजसिंहासन, राजधानी, राजमंडळ, राजप्रशासन, राजदुर्ग व्यवस्था, राजमहसूल, राजसामर्थ्य आदि लेखांच्या रूपाने प्रमाणित, सचित्र, अभ्यासपूर्ण मांडणी
# श्रीशिवछत्रपतींद्वारा प्रदत्त 'राजव्यवहार कोशा'ने स्वराज्याला दिलेल्या १३८० संस्कृत शब्दांची सार्थ सूची
# श्रीशिवछत्रपतींच्या राजाभिषेकाबरोबरच युवराजाभिषेक झालेल्या धर्मवीर श्रीशंभुछत्रपतींना काव्यमय अभिवादन 'श्रीशंभुवंदना'
# भारतीय स्वातंत्र्यदिन व प्रजासत्ताक दिनाच्या भारतीय कालमापनातील तिथी
# सिंहासनारूढ श्रीमहाराजांचे प्रथमच चरणदर्शन
# सालंकृत गजासनावर आरुढ झालेल्या श्रीशिवछत्रपतींचे अद्भूत चित्र

---

भाद्रपद शुध्द चतुर्थी ते अनंत शुध्द चथुर्दशी ह्या कालावधीत लोणावळ्यातील प्रमुख सार्वजनिक मंडळा समोर ,श्लोक, गणेश स्तोत्र, अथर्वशीर्ष पठण आरती, भजन, जप, गजर असा नित्यक्रम संस्थेच्या मुंलानी केला
रोज सांयकाळी ६.३० ते ७.१५ .हा उपक्रम केला गेला..
श्री गणेश मंदिर, श्री हनुमान मंदिर, श्री शिवाजी मित्र मंडळ, महाराणा प्रताप मंडळ, भाजी मंडई मंडळ, महाराणा प्रताप मंडळ, रोहीदास मित्र मंडळ, अष्टविनायक मित्र मंडळ, तरुण मराठा मंडळ,
अशा सर्व प्रमुख मंडळांच्या गणपतीबाप्पा समोर संस्कार वर्गाच्या लहान मुलांनी सादरीकरण केले...
खड़ा आवाज, सुस्पष्ट उच्चार, शिस्तबध्द बैठक, छान पाठातर, भक्तीमय वातावरण, सर्वच खुप छान होते...
सर्वच गणपती मंडळाचे पदाधीकारी, कार्यकर्ते, गणपती बघण्यासाठी आलेले लोक, पालक सर्वच जण या मुलांचे रोज खुप कौतुक करत होते..
गणपती उत्सवाच्या दहा दिवसात शिवसेवा प्रतिष्ठान च्या या संस्कार वर्गाच्या ऊपक्रमाची खुप छान चर्चा संपुर्ण शहरभर होती..
अशा प्रकारचे उपक्रम मोठ्या प्रमाणात व्हावेत असेही खुप नागरीकांचे म्हणणे होते..
श्रीमती रुतुजा मेहता, सौ सुचेता खळदकर, यांनी या मुलांकडुन खूप छान तयारी करून घेतली होती..
शिवसेवा प्रतिष्ठान चे श्री राजेश येवले, राजेश कामठे, प्रमोद देशपांडे, प्रशांत हरिचंद्रे, धनंजय चंद्रात्रे आदी कार्यकर्ते कार्यक्रमात उपस्थीत होते.